Ֆիլտրել
Ալվա հյուրանոց
Կոտայք Ծաղկաձոր Տանձաղբյուրի փող.
«Ալվա» հյուրանոցը գտնվում է գեղատեսիլ Ծաղկաձորում` Թեղենիս լեռան արևելյան լանջին: Հյուրանոցն իր հյուրերին առաջարկում է կապիտալ վերակառուցված, ժամանակակից բոլոր հարմարություններով քոթեջային հյուրանոց` նախատեսված 60 հոգու համար: Բոլոր համարները կահավորված են ժամանակակից կահույքով, ունեն լոգախցիկ, LCD հեռուստացույց, մինի բար, հեռախոս: Մատուցվող հիմնական ծառայություններից բացի, հյուրերին առաջարկվում է լրացուցիչ ծառայությունների լայն ընտրանի` կարաոկե, բացօթյա սրճարան, լողավազան, ջակուզի, սպա առողջարարական կենտրոն, շոգեբաղնիք, ռուսական բաղնիք, մարզասրահ: Ցանկության դեպքում կազմակերպվում են արշավներ: տարածքում գործում է անվճար Wi-Fi և ավտոկայանատեղի: Գտնվելով անմիջապես ճոպանուղու հարևանությամբ` ձմեռային սպորտաձևերի սիրահարներին հնարավորություն է տրվում անմիջապես հյուրանոցի տարածքից դահուկներով սահել դեպի ճոպանուղի: Հյուրանոցի մոտակայքում են գտնվում Կեչառիս վանական համալիրը և Օրբելի եղբայրների տուն-թանգարանը: Հյուրանոցն իդեալական վայր է բոլոր նրանց համար, ովքեր ցանկանում են կտրվել քաղաքի աղմուկից և վայելել իրենց լիարժեք և հարմարավետ հանգիստը:
Աղվերան Արարատ Ռեզորթ
Կոտայք Արզական Անտառային 11
"Աղվերան Արարատ Ռեզորթը" տեղակայված է Ծաղկունյաց լեռների գեղատեսիլ անտառներում՝ ծովի մակարդակից 1550 մ. բարձրության վրա:"Աղվերան Արարատ Ռեզորթ" հյուրանոցային համալիրը համարվում է Հայաստանի նորագույն, առաջատար հանգստյան տներից մեկը: Այն առաջարկում է 44 բարձրակարգ սենյակներ՝ տարատեսակ հավելյալ ծառայություններով: Բոլոր համարներն ունեն գեղեցիկ բնության տեսարանով բաց պատշգամբներ, որոնք ստեղծում են դրախտային տպավորություն: Հեռավորությունը Երևանից կազմում է 45 կմ, իսկ Զվարթնոց միջազգային օդանավակայանից հեռավորությունը կազմում է 58կմ։