Ֆիլտրել
Գոհար B&B (Եղեգնաձոր)
Վայոց Ձոր Եղեգնաձոր Սպանդարյան փ., տ. 44
«Գոհար» հյուրատունը գտնվում է Վայոց Ձորի մարզի Եղեգնաձոր քաղաքում: Հյուրատունն առաջարկում է հարմարավետ սենյակներ՝ առանձին սանհանգույցներով: Հյուրերի տրամադրության տակ կա ընդհանուր խոհանոց, այգի, բացօթյա լողավազան, բակ, որտեղ կարելի է խորոված պատրաստել կամ երեկոյան լավ ժամանակ անցկացնել: Տարածքում կա անվճար Wi-Fi և ավտոկայանատեղի: Հյուրատան հյուրընկալության և ջերմության մասին կարելի է անվերջ խոսել: Այստեղ մատուցվում է շատ համեղ նախաճաշ և ընթրիք: Տանտիրուհին առաջարկում է տանը պատրաստած հայկական, ավանդական ճաշատեսակներ, որոնք ոչ միայն շատ համեղ են, այլև պատրաստված են մեծ սիրով: Հյուրատան մոտակայքում կան մի շարք մշակութային կոթողներ և տեսարժան վայրեր:
Գրանդ Ռեզորթ Ջերմուկ
Վայոց Ձոր Ջերմուկ Շահումյան փ․ 7/5
Գրանդ Ռեզորթ Ջերմուկը գտնվում է Վայոց ձորի մարզի Ջերմուկ քաղաքում: Հյուրանոցը կառուցվել է 2015թ.-ին, համաշխարհային բրենդ Հայաթ ընկերության ստանդարտներին համապատասխան և երեք տարի շարունակ կառավարվել է հենց Հայաթ ընկերության կողմից: 2019թ. – ի ապրիլի 1-ից հյուրանոցը վերանվանվել է Գրանդ Ռեզորթ Ջերմուկ: Այն գտնվում է հենց Ջերմուկ քաղաքի կենտրոնում, հայտնի հանքային ջրերի ըմպելասրահին կից: Հյուրանոցը կառուցված և հագեցած է նորագույն տեխնոլոգիաներով, առկա են բոլոր հարմարությունները հյուրերի հանգստի, ինչու չէ, նաև աշխատանքի համար: Գրանդ Ռեզորթ Ջերմուկ հյուրանոցն ունի 92 ընդարձակ սենյակ, որոնցից 5 լյուքս դասի և մեկ նախագահական սենյակ: Հյուրանոցում առկա են նաև ընտանեկան սենյակներ և հատուկ սենյակ՝ հարմարեցված սահմանափակ կարողությունների տեր անձանց համար: Գրանդ Ռեզորթ Ջերմուկ հյուրանոցն ունի նաև 3 միջոցառումների սրահ, որոնք հարմար են տարբեր տեսակի կոնֆերանսների, ժողովների, ինչպես նաև՝ միջոցառումների կազմակերպման համար: Հյուրանոցում գործում է շատ ընդարձակ լողավազան, ջակուզի, սաունա և ֆիթնես կենտրոն, ինչպես նաև մանկական խաղասենյակ, բիլիարդի և թենիսի սեղաններ: Այս ամենը ներառված է սենյակի արժեքի մեջ: Հյուրանոցի ռեստորանն առաջարկում է տեղական և միջազգային ուտեստների տեսականի: Գործում է նաև շուրջօրյա բար: Հատուկ բիզնես դասի հյուրերի համար ունենք բիզնես կենտրոն, որից հյուրերը կարող են անվճար օգտվել: Գրանդ Ռեզորթ Ջերմուկ հյուրանոցն առաջարկում է նաև բարձրակարգ սպա ծառայություններ բուժական և ՍՊԱ կենտրոնում: Կենտրոնի բուժական ծրագիրը իր մեջ ընդգրկում է բժշկի խորհրդատվություն, լաբորատոր և գործիքային հետազոտություններ: Կենտրոնը զբաղվում է դիաբետի և դրա բարդությունների, լյարդի և լեղապարկի հիվանդությունների, մետաբոլիկ սինդրոմի, քրոնիկ հոգնածության սինդրոմի, ստամոքսի և աղիների, ռևմատիկ հիվանդությունների կանխարգելմամբ և վերականգնողական բուժումով: Բուժական ծրագրերում իր կարևոր տեղն ունի հանքային ջրի կիրառումը ներքին ընդունման, լոգանքների, աղիների լվացման ձևով: Ջերմուկի հանքային ջրի ունիկալ հակաբորբոքային, անոթալայնիչ հատկությունը թույլ է տալիս էֆեկտիվորեն իրականացնել վերը նշված հիվանդությունների կանխարգելումը, բուժումը և վերականգնումը:
Եղեգն
Վայոց Ձոր Եղեգնաձոր Մոմիկի 8/8
Եղեգն հյուրատունը գտնվում է Վայոց Ձորի եղեգնաձոր քաղաքում, հյուրատանը ստեղծված են բոլոր պայմանները և առկա են բոլոր հնարավությունները հանգիստը վայելելու համար։ Հեռավորությունը Երևանից կազմում է 123կմ, իսկ Զվարթնոց միջազգային օդանավակայանից հեռավորությունը 136կմ է։
Հասմիկ Գեսթ Հաուս (Եղեգնաձոր)
Վայոց Ձոր Եղեգնաձոր Սպանդարյան փ., տ. 28
«Հասմիկ» հյուրատունը գտնվում է Վայոց ձորի մարզի Եղեգնաձոր քաղաքում: Հյուրատունն առաջարկում է հարմարավետ սենյակներ, առանձին լոգասենյակներով, կան նաև 3 սենյակներ՝ ընդհանուր լոգասենյակով: Հյուրերի տրամադրության տակ կա խոհանոց, այգի, որտեղ կարելի է խորոված պատրաստել կամ հաճելի երեկո անցկացնել: Տարածքում կա անվճար Wi-Fi և ավտոկայանատեղի: Հյուրատան հյուրընկալության եւ ջերմության մասին կարելի է անվերջ խոսել: Ամեն օր այստեղ մատուցվում է շատ համեղ նախաճաշ, ճաշ և ընթրիք: Տանտիրուհին առաջարկում է հայկական ավանդական ճաշատեսակներ, որոնք ոչ միայն համեղ են, այլ նաև պատրաստված են մեծ սիրով: Ցանկության դեպքում կազմակերպվում են խորովածի և այլ ազգային ուտեստների պատրաստման վարպետության դասեր: Մոտակայքում կան շատ մշակութային հուշարձաններ եւ տեսարժան վայրեր:
Նաիրի առողջարան
Վայոց Ձոր Ջերմուկ Մյասնիկյան 7/1
«Նաիրի» առողջարանը գտնվում է Վայոց ձորում՝ Ջերմուկի կենտրոնում։ Ջերմուկը հայտնի է իր առողջարար հատկություններով՝ հանքային ջրերի շնորհիվ: Առողջարանն իդեալական վայր է բոլոր նրանց համար, ովքեր ցանկանում են հանգստանալ և միևնույն ժամանակ ամրապնդել իրենց առողջությունը: Հարմարավետ և ընդարձակ սենյակներն ապահովված են բոլոր հարմարություններով` լոգասենյակ, հեռուստացույց, տաքացվող հատակ, չհրկիզվող պահարան, մինիբար, իսկ պատշգամբից բացվող տեսարանը միայն դրական լիցքեր կհաղորդի գեղատեսիլ Ջերմուկից։
Նորավանք B&B (Չիվա)
Վայոց Ձոր Չիվա գյուղ 1-ին փ., տուն 8
«Նորավանք» հյուրատունը տեղակայված է Վայոց Ձորի մարզի Չիվա գյուղում, Երևանից 100 կմ հեռավորության վրա: Այն երկհարկանի կառույց է, ունի 5 ննջասենյակ, 3 սանհանգույց, հյուրասենյակ և խոհանոց: Հյուրատան մոտ կա ավտոտնակ` նախատեսված 2 ավտոմեքենաների համար, և բացօթյա անվճար ավտոկայանատեղի` 10-15 ավտոմեքենաների համար: Հյուրատան աշխատակիցները ունեն բազմամյա փորձ տուրիզմի ոլորտում և պատրաստ են իրենց գիտելիքներն ու փորձը կիրառել՝ հյուրատանը հաճելի և հարմարավետ պայմաններ ապահովելու համար: Հյուրատան ողջ տարածքում գործում է անվճար Wi-Fi: Յուրաքանչյուր առավոտ մատուցվում է շատ համեղ նախաճաշ, որը կարելի է վայելել ինչպես տանը, այնպես էլ պարտեզում: Ըստ պայմանավորվածության, հյուրերը կարող են ներկա գտնվել թոնրի լավաշի թխման արարողությանը, ծանոթանալ մեղրի պատրաստմանը և համտեսել, նաև մասնակցել գինու, տարբեր մրգերից թորված օղու և հայկական ավանդական մի շարք ուտեստների պատրաստման արարողություններին:
Ուռենի B&B (Արփի)
Վայոց Ձոր Արփի 1-ին փ., տուն 48
«Ուռենի» հյուրատունը գտնվում է Վայոց Ձորի մարզում, Եղեգնաձոր քաղաքից 8 կմ հեռավորության վրա: Հյուրատունը երկհարկանի շինություն է՝ շրջապատված բերքատու ծառերով: Այն ունի 2 երկտեղանոց համարներ՝ նախատեսված է 4 անձի համար: Հյուրերի համար գործում է ընդհանուր խոհանոց: Հյուրատան տարածքում առկա է անվճար Wi-Fi և ավտոկայանատեղի: Երեկոյան հյուրերը կարող են վայելել տանտիրուհու դաշնամուրային կատարումները: Ինչպես նաև կարող են փորձել հայկական ավանդական խոհանոցի ամենահամեղ ուտեստները և գինիները, ներկա գտնվել թոնրի լավաշի թխման արարողությանը, մասնակցություն ունենալ չրերի պատրաստման ընթացքին:
Ջերմուկ աշխարհ
Վայոց Ձոր Ջերմուկ Շահումյան փող., 20 շենք
«Ջերմուկ Աշխարհ» առողջարանը գտնվում է Ջերմուկ քաղաքի գեղատեսիլ անկյուններից մեկում: Հին ժամանակներից ի վեր քաղաքը հայտնի է որպես առողջարանային բարձր-լեռնային հանգստավայր: «Ջերմուկ Աշխարհ» առողջարանային համալիրը կառուցվել է 1976 թ.: Տարիների և պատմական իրադարձությունների մեջ պահպանելով բարի ավանդույթները՝ այն շարունակել է աշխատել նաև մասնավորեցումից հետո: 2017 թվականին վերակառուցումից և կապիտալ վերանորոգումից հետո առողջարանը վերսկսել է իր աշխատանքը: Այստեղ առաջնակարգ բուժման և հանգստի երաշխիքն են բարձր որակավորում ունեցող անձնակազմը և աշխատակիցների երկարամյա փորձը: Առողջարանը հարմար է ինչպես երեխաների հետ ընտանեկան հանգստի համար, այնպես էլ նրանց համար, ովքեր ցանկանում են պարզապես հանգստանալ՝ առողջությունն առավելագույնս վերականգնելով:
Ջերմուկ Հոթել և ՍՊԱ
Վայոց Ձոր Ջերմուկ Մյասնիկյան փող., 27 շենք
Հյուրանոցը կառուցվել է 2019 թվականին և հագեցած է ժամանակակից տեխնոլոգիաներով, բոլոր հարմարությունները հասանելի են հյուրերի հանգստի, ինչպես նաև աշխատանքի համար։ «Ջերմուկ հոթել և ՍՊԱ»-ն ունի 88 ընդարձակ սենյակ, որից 4 King Suites, 4 Executive: Հյուրանոցն ունի նաև ընտանեկան համարներ։ «Ջերմուկ հոթել և ՍՊԱ» ունի 1 հանդիպման վայր, հարմար է տարբեր կոնֆերանսների, հանդիպումների, ինչպես նաև միջոցառումներ կազմակերպելու համար։ Հյուրանոցն ունի շատ մեծ համայնապատկերային լողավազան, ջակուզի, սաունա և ֆիթնես կենտրոն, ինչպես նաև մանկական խաղասենյակ, բիլիարդի և թենիսի սեղաններ։ Այս բոլոր հարմարությունները ներառված են սենյակի գնի մեջ։ Հյուրանոցի ռեստորանը առաջարկում է տեղական և միջազգային ճաշատեսակների մի շարք, իսկ գնի մեջ ներառված է նաև լիարժեք սնունդը: Գործում է նաև 24-ժամյա բար։ Բիզնես դասի հյուրերի համար մենք ունենք բիզնես կենտրոն/Լոֆթ: «Ջերմուկ հոթել և ՍՊԱ»-ն առաջարկում է բարձրակարգ սպա ծառայություններ հյուրանոցի բժշկական մասում: Բուժման ծրագիրը ներառում է բժշկական խորհրդատվություններ, որոնց ընթացքում կատարվում են լաբորատոր և գործիքային հետազոտություններ։ Կենտրոնը մասնագիտացված է շաքարախտի և դրա բարդությունների կանխարգելման և վերականգնման, լյարդի և լեղապարկի, ստամոքսի և աղիների, ռևմատիկ հիվանդությունների վերականգնողական բուժման վրա: Հանքային ջրի ընդունումը, հանքային բաղնիքը, հաստ աղիքի ոռոգումը բոլոր ծրագրերի կարևոր մասն են: Ջերմուկ հանքային ջրի եզակի հակաբորբոքային, վազոդիլացնող հատկությունները թույլ են տալիս արդյունավետորեն իրականացնել վերը նշված հիվանդությունների կանխարգելումը, բուժումը և վերականգնումը։ Այս ամբողջ բուժումը ներառված է նաև գնի մեջ։
Ջերմուկի Մոսկվա առողջարան
Վայոց Ձոր Ջերմուկ Մելիք-Ադամյան 6
Գեղատեսիլ կանաչ լեռներով շրջապատված «Ջերմուկ Մոսկվա» առողջարանային հյուրանոցը գտնվում է Հայաստանի ամենահայտնի առողջարանային քաղաքներից մեկում՝ Ջերմուկում, որն ունի թվով ամենաշատ բուժական ծառայությունները՝ շուրջ 46, հագեցած հանքային բաղնիքներով և տարատեսակ բուժումներով: Հյուրանոցն առաջարկում է բազմազան հարմարություններ՝ միջոցառումների, թիմբիլդինգների, բիզնես և տուրիստական խմբերի, անհատ-ընտանիքների հանգստի և բուժման կազմակերպման համար։ Հանգիստը ներառում է 3 անգամյա հիանալի սնունդ ճաշարանում և բուժումներ: