Ֆիլտրել
Հայկական Ճամբար
Գեղարքունիք Արտանիշ Արտանիշ գյուղի ափամերձ տարածք
"Armenian Camp/Հայկական ճամբար"-ը զբոսաշրջային կացարան է։ Գտնվելով Սևանի ափին "Հայկական Ճամբարը" լավ ընտրություն է ակտիվ հանգստի սիրահարների համար։ Այն տեղակայված է Արտանիշ լեռան ստորոտում, Արտանիշի լճախորշի գեղեցիկ բնության գրկում։ Այստեղ կազմակերպվում են հեծանվային, քայլարշավային ջրային էքսկուրսիաներ, առագաստանավային զբոսանքներ։ Ունի չքնաղ ավազե լողափ, վրանատեղի, լճափնյա շոգեբաղնիք, հավաքների, միջոցառումների անցկացման սրահ։ Երևանից գտնվում է ընդամենը 110կմ հեռավորության վրա։ "Հայկական Ճամբարը" միանշանակ Ձեր ընտրությունն է, եթե ցանկանում եք ձեր հանգիստը բնության գրկում անմոռանալի դարձնել։
Հարսնաքար հյուրանոց
Գեղարքունիքի մարզ Սևան Ցամաքաբերդ թաղամաս
Հարսնաքար հյուրանոցային համալիրն իր ծառայություններն է առաջարկում ձեզ ավելի քան 15 տարի: Հարսնաքար հյուրանոցային համալիրը համարվում է այն ամենագրավիչ տեսարժան վայրերերից մեկը, որը կարող է առաջարկել ալպիական Սևանը։ Համալիրը զբաղեցնում է 17 հեկտար տարածք և գտնվում է լճի ափին։ Հարսնաքարը համապատասխանում է զբոսաշրջության ոլորտի ժամանակակից չափանիշներին և ամենախիստ պահանջներին։
Նելլի B&B (Վարդենիս)
Գեղարքունիքի մարզ Վարդենիս Բաղրամյան փ., տ. 3
«Նելլի» հյուրատունը գտնվում է Գեղարքունիքի մարզի Վարդենիս քաղաքում, Երևանից 170 կմ հեռավորության վրա: Հյուրատունը մեկհարկանի շինություն է՝ շրջապատված գեղեցիկ պարտեզով: Հյուրերին առաջարկվում է հարմարավետ համարներ, որոնք ապահովված են անհրաժեշտ հարմարություններով: Տարածքում կա անվճար Wi-Fi և ավտոկայանատեղի: Հյուրատանը տիրում է ջերմ և հաճելի մթնոլորտ, որի շնորհիվ յուրաքանչյուր ոք զգում է իրեն ինչպես հարազատ տանը՝ լի հոգատարությամբ և ջերմությամբ: Ամեն առավոտ հյուրատանը մատուցվում է շատ համեղ և բազմատեսակ ուտեստներով նախաճաշ, ինչպես նաև, ցանկության դեպքում, անցկացվում է խոհարարական վարպետության դասեր: Հյուրերը կարող են նաև այցելել Սևանա լիճ և իրենց հանգիստն անցկացնել լճի ափին՝ վայելելով մաքուր օդն ու բնությունը:
Նոյ Լենդ
Գեղարքունիք Չկալովկա գյուղ Չկալոլվկա գյուղի ափամերձ տարածք
Սևանի ափին գտնվող այս հյուրանոցը՝ իր ջերմ դռներն է բացում բոլոր այն մարդկանց համար ով ցանկանում է իր հանգիստը վայելել լճի ափին։ Հյուրանոցը գտնվում է Երևանից 55կմ հեռավորության վրա, իսկ Զվարթնոց Միջազգային Օդանավակայանից 70կմ հեռավորության վրա։
Ջրաղացի մոտ B&B (Ներքին Գետաշեն)
Գեղարքունիքի մարզ Ներքին Գետաշեն 6-րդ փ., տուն 32
«Ջրաղացի մոտ» հյուրատունը գտնվում է Գեղարքունիքի մարզի Ներքին Գետաշեն գյուղում, Արգիճի գետի ափին: Հավատարիմ մնալով ավանդույթներին, կարևորելով բնության դերը և առաջնային համարելով հյուրերի հարմարավետ հանգիստը, հյուրատան շենքի կառուցման և կահավորման մեջ օգտագործվել են միայն բնական նյութեր: Շինությունը պատկանում է Թաթոյան գերդաստանին, և այստեղ դեռ պահպանվում է 19-րդ դարի գործող ջրաղաց: Հյուրատունն առաջարկում է 7 հարմարավետ սենյակներ՝ առանձին լոգարաններով: Ողջ տարածքում առկա է անվճար Wi-Fi: Այցելուները, ցանկության դեպքում, կարող են նաև այցելել շրջակայքում գտնվող պատմամշակութային հուշարձաններ, շրջել ազգային արգելոցի անտառում, լողալ Սևանա լճում կամ մասնակցել ավանդական լավաշի թխման արարողությանը:
Ռազմիկ & Գայանե B&B (Վարդենիս)
Գեղարքունիք Վարդենիս Չարենցի փող., 7 փակ., տ. 1
«Ռազմիկ և Գայանե Մխիթարյաններ» հյուրատունը գտնվում է Վարդենիս քաղաքում՝ Սևանա լճից 7կմ և Երևանից 170 կմ հեռավորության վրա: Հյուրատունը մեկհարկանի շինություն է՝ շրջապատված գեղեցիկ պարտեզով և բակով: Այն ունի 2 ննջասենյակ՝ երկտեղանոց և երեքտեղանոց, հյուրասենյակ, խոհանոց, սանհանգույց, մշտական տաք և սառը ջուր, ինտերնետ, ավտոկայանատեղի: Ամեն առավոտ հյուրատանը մատուցվում է շատ համեղ և էկոլոգիապես մաքուր սննդից պատրաստված նախաճաշ: Ցանկության դեպքում հյուրերը կարող են իրենց ճաշը և ընթրիք նույնպես վայելել հյուրատանը: Ինչպես նաև կարող են մասնակցել խոհարարական վարպետության դասերի: Տանտերերը, բացի գիշերակացից, առաջարկում են նաև ծանոթանալ տեղի տեսարժան վայրերին, մշակույթին և ավանդույթներին: Հյուրերը կարող են այցելել Վարդենիսի Սուրբ Աստվածածին եկեղեցի, ինչպես նաև Մաքենյաց վանք, որը կառուցվել է 9-րդ դարում կամ իրենց հանգիստն անցկացնել մոտակայքում գտնվող Սևանա լճի ափին՝ վայելելով մաքուր օդն ու բնությունը:
Սերիկ և Ժորա B&B (Սևան)
Գեղարքունիքի մարզ Սևան Լճափնյա փ., 19 տ.
«Սերիկ և Ժորա» հյուրատունը գտնվում է Գեղարքունիքի մարզի Սևան քաղաքում: Հյուրատունը եռհարկանի կառույց է, որն առաջարկում է սենյակներ՝ ապահովված բոլոր անհրաժեշտ հարմարություններով: Որոշ սենյակներ ունեն բալկոններ, որոնցից բացվում է գեղեցիկ տեսարան: Ամեն առավոտ հյուրատանը մատուցվում է բազմատեսակ ուտեստներով նախաճաշ: Կա նաև դիետիկ ուտեստներով հատուկ ճաշացանկ: Հյուրատան այցեքարտերից է համարվում տնական հացը և պանիրը: Տարածքում կա այգի, որտեղ առկա են խորոված պատրաստելու հարմարություններ: Հյուրատունն ապահովված է Wi-Fi ինտերնետով: Ցանկության դեպքում, հյուրատնից ոտքով կարելի է հասնել Սևանա լիճ, լողալ լճում կամ ձուկ որսալ:
Սևան Ափ Ինն
Գեղարքունիք Սևան Սևան Ճամբարակ մայրուղի 3.7կմ
Սևան Ափ Ինն հյուրանոցը հիմնադիվել է 2018 թվականին՝ գեղատեսիլ Սևանա լճի ափին։ Բոլոր սենյակների պատշգամբներից բացվում է Սևանա լճի հիասքանչ տեսարանը, որտեղ հյուրերը կկարողանան վայելել իրենց հանգիստն ու առավոտյան սուրճը։ Համալիրում գործում է նաև ռեստորան և բացօթյա սրճարան-ռեստորան՝ Սևանա լճի, վանքի և լեռների տեսարանով։ Սպորտի սիրահար հյուրերի համար առաջարկվում է սպարտ-հրապարակ և բացօթյա լողավազան, որի կառուցվացքը ստեղծում է այնպիսի տպավորություն, կարծես լողավազանը միաձուլվում է լճին։
Քյավառ Հաուս B&B (Գավառ)
Գեղարքունիքի մարզ Գավառ Պետրոսյան փ., տ. 17
«Քյավառ Հաուս» հյուրատունը գտնվում է Գեղարքունիքի մարզի Գավառ քաղաքում: Հյուրատունն առաջարկում է 4 սենյակներ, որոնք կգոհացնեն բոլոր հյուրերին իրենց մաքրությամբ և հարմարավետությամբ: Ամեն առավոտ հյուրատանը մատուցվում է հիանալի, համեղ, թարմ մթերքներից պատրաստված նախաճաշ: Հյուրատանը կա ընդհանուր խոհանոց, հյուրասենյակ, բակ, ավտոկայանատեղի: Ողջ տարածքում առկա է անվճար Wi-Fi: Հյուրընկալվելով «Քյավառ Հաուս» հյուրատանը, դուք կզգաք տանտերերի հյուրընկալությունը, ընկերական վերաբերմունքն ու ընտանեկան հաճելի մթնոլորտը: Նրանք հոգատար և բարեհամբույր մարդիկ են, ովքեր պատրաստ են օգնել ցանկացած հարցում: Հյուրատնից 10-15 րոպեում կարելի է հասնել Սևանա լիճ, լողալ լճում կամ պարզապես վայելել մաքուր օդն ու բնությունը:
Օրսետտո հյուրանոց
Գեղարքունիք Սևան Երևանյան խճուղի, 30 շենք
Օրսետտո հյուրանոցառեստորանային համալիրում ընտանեկան ու ընկերական հանդիպումների համար ստեղծվել է բոլոր հարմարությունները լիարժեք հանգիստը վայելելու համար։ Վայելե՛ք Սևանի գեղեցկությունը՝ շրջապատված բնության հրաշալիքներով: Ամրագրե՜ք մեր հարմարավետ քոթեջները և Ձեր անմոռանալի հանգիստը ապահոված կլինի։ Բաց մի թողեք առողջ ու թարմ օդ շնչելու, բնությանը մոտ լինելու հնարավորությունը։ Հյուրանոցի համարները հագեցած են անհրաժեշտ բոլոր պարագաներով ու հարմարություններով՝ Wi-Fi, ջեռուցում, արբանյակային հեռուստաալիքներ, անկողնային պարագաներ, հեռախոս, հեռուստացույց, սանհանգույց՝ ամեն ինչ լիակատար հանգիստ վայելելու համար։