Ֆիլտրել

Ապրիկոտ Գրանդ հոթել Գյումրի
Շիրակի մարզ Գյումրի 218 Աբովյան փող.
Գրանդ հյուրանոցը գտնվում է Հայաստանի մշակութային մայրաքաղաք Գյումրիի սրտում։ Վերջերս բացելով իր դռները՝ այն իր յուրահատուկ դիզայնի շնորհիվ արդեն դարձել է Գյումրու սիրելի հյուրանոցն ու այցեքարտերից մեկը։ Մենք պահպանել ենք շենքի վինտաժ ոճը և օրիգինալ ֆասադը՝ պարզապես համեմելով այն շքեղությամբ և նրբագեղությամբ, որոնք տպավորում են մեր հյուրերին և մեկընդմիշտ խորանում նրանց մտքերում: Հարմարավետության մասին խոսք չկա, քանի որ Apricot-ը հոմանիշ է հարմարավետության և նրբագեղության:

Բեռլին Արտ Հյուրանոց
Շիրակի մարզ Գյումրի Հաղթանակի պող., 25 շենք
«Բեռլին Արտ» հյուրանոցը գտնվում է կոլորիտային քաղաք Գյումրիում: Հյուրանոցի բոլոր համարները հագեցած են ժամանակակից բոլոր հարմարություններով և համալրված են հայկական արվեստի յուրօրինակ գործերով: Հյուրանոցի տարածքում գործում է անվճար Wi-Fi և ավտոկայանատեղի: Հյուրանոցն առանձնանում է իր պատկերասրահով, որտեղ այցելուները կարող են տեղի արվեստագետների նկարների և քանդակների միջոցով ծանոթանալ հայ ժամանակակից արվեստի հետ: Ցանկության դեպքում կազմակերպվում են էքսկուրսիաներ և հանդիպումներ արվեստագետների հետ, ինչն էլ հնարավորություն է տալիս ծանոթանալու Գյումրի քաղաքի հարուստ մշակույթին: Իր դիրքի շնորհիվ, հյուրանոցը շատ մոտ է քաղաքի տեսարժան վայրերին, եկեղեցիներին և թանգարաններին:

Վիլլա Կարս Հյուրանոց
Շիրակի մարզ Գյումրի Աբովյան փող., 182 շենք
«Վիլլա Կարս» հյուրանոցը գտնվում է Գյումրի քաղաքում: Այն առաջարկում է անտիկ և ժամանակակից ոճերի հետաքրքիր համադրությամբ համարներ, որոնք ապահովված են բոլոր հարմարություններով: Տարածքում գործում է անվճար Wi-Fi և ավտոկայանատեղի: Հյուրանոցի բարեհամբույր աշխատակազմի բարձրակարգ սպասարկման շնորհիվ հանգիստը հյուրանոցում կլինի ավելի հարմարավետ: Հյուրընկալվելով «Վիլլա Կարս» հյուրանոցում` Դուք հնարավորություն կունենաք ծանոթանալու Գյումրի քաղաքի հարուստ մշակույթին: Հյուրանցը մոտ է քաղաքի տեսարժան վայրերին: Մի քանի րոպեում կարելի է հասնել կենտրոնում գտնվող Վարդանանց հրապարակ, Գեղարվեստի ակադեմիա, Շիրակի օդանավակայան, կայարան:

Օլիմպիկ
Շիրակի մարզ Գյումրի Մ․Մկրտչյան 49
Ձեզ ենք ներկայացնում Օլիմպիկ հյուրանոցն իր ողջ հմայքով։ Հյուրանոցի 24 համարները կահավորված են ժամանակակից չափանիշներին համապատասխան՝ հարմարավետ, լուսավոր և առանց փողոցային աղմուկի։ Այն ներառում է բոլոր անհրաժեշտ պայմանները լիարժեք և շքեղ հանգստի համար և համապատասխանում է միջազգային ստանդարտներին: Հյուրանոցի համարները ունեն գրավիչ ինտերիեր։ Հյուրանոցը Երևանից գտնվում է ընդամենը 88 կմ հեռավորության վրա: Շիրակի միջազգային օդանավակայանը Օլիմպիկ հյուրանոցից գտնվում է 5 կմ հեռավորության վրա: Օդանավակայանից տեղափոխումը հյուրանոց կարելի է կազմակերպել հավելավճարով: