Ֆիլտրել

Ալանդ ռեզորթ
Տավուշ Ենոքավան Ենոքավան 4008
«Ալանդ Ռեզորթը» գտնվում է Ենոքավան գյուղում: Ռեզորթն առաջարկում է հարմարավետ փայտե տնակներ և քոթեջներ, որտեղ կարելի է կտրվել առօրյա հոգսերից և խնդիրներից: Տարածքում գործում է Wi-Fi և ավտոկայանատեղի: Անձնակազմը՝ ակտիվ հանգստի սիրահարների համար, կազմակերպում է նաև քայլարշավներ, էքսկուրսիաներ, ձկնորսություն, վարպետության դաս:

Ալպյան Ամրոց
Տավուշ Դիլիջան Աղբյուր Սերոբի 3
Ալպյան Ամրոց հյուրանոցի շքեղ և լուսավոր սենյակներում կարող եք վայելել կատարյալ հանգիստ: Հյուրանոցն ունի ռեստորան, որտեղ կարող եք ճաշակել եվրոպական և հայկական խոհանոցների լավագույն ճաշատեսակներ, իսկ բարում՝ խմիչքների, կոկտեյլների բացառիկ տեսականին: Հյուրանոցն ունի տեռասա, անվճար WiFi ինտերնետ հյուրանոցի ամբողջ տարածքում, անվճար ավտոկայանատեղի:

Ապագա Ռեզորթ
Տավուշի մարզ Ենոքավան Առաջին փողոց 38
«Ապագա Ռեզորթը» գտնվում է Ենոքավան գյուղում: Քոթեջները ապահովված են լոգասենյակով, մինի բարով, սառնարանով և երկու առանձին կամ մեկ երկտեղանոց մահճակալով: Որոշ քոթեջներում առկա է նաև խոհանոց: Տարածքում գործում է անվճար Wi-Fi և ավտոկայանատեղի: Ցանկության դեպքում հյուրերը կարող են այցելել տեղի ձիարշավարան: Գործում է նաև հեծանիվների վարձույթ: Հյուրանոցը իդեալական վայր է հատկապես էքստրեմալ զբոսաշրջությունը նախընտրողների համար: Այն գտնվում է Լաստիվերի մոտ, ինչն էլ հնարավորություն է տալիս հյուրերին այցելել հին քարանձավները:

Բեսթ Վեսթերն Փլաս Փարադայս Դիլիջան
Տավուշ Դիլիջան Կամոյի 156
Հյուրանոցը գտնվում է Տավուշ մարզի Դիլիջան քաղաքում; Հյուրանոցում ստեղծված են բոլոր հարմարությունները հանգիստը կատարյալ վայելելու համար, բոլոր ծառայությունները գտնվում են բարձրագույն մակարդակի վրա։ Հեռավորությունը Երևանից կազմում է 95կմ, իսկ Զվարթնոց Միջազգային Օդանավակայանից հեռավորությունը կազմում է 108կմ։

Դիլիջան Պարկ Ռեզորթ & Վիլլաներ
Տավուշ Դիլիջան Պարզ Լիճ 20
Դիլիջանի ամենագեղատեսիլ անկյունում՝ Պարզ լիճ տանող ճանապարհին, տեղակայված է Դիլիջան Ռեսորթ պարկը: «Դիլիջան Պարկ Ռեսորթ» հյուրանոցային համալիրն առաջարկում է շքեղ և հարմարավետ համարներ և քոթեջներ, որոնցից բացվում է հիանալի տեսարան դեպի լեռների անտառապատ լանջերը: Հյուրանոցի սենյակները հյուրերին տալիս են լիակատար առանձնացման և հարմարավետության զգացողություն։ Քոթեջը իդեալական տարբերակ է նրանց համար, ովքեր ցանկանում են միայնակ մնալ իրենց ընտանիքի հետ: Մենք առաջարկում ենք մեր հաճախորդներին մի քանի տարբերակներ տնակներում՝ երկտեղանոց, երեք ննջասենյակով և չորս ննջասենյակով. Յուրաքանչյուր Քոթեջ ունի անհատական ավտոկայանատեղի:

Դիլիջան Ռեզորթ & ՍՊԱ
Տավուշ Դիլիջան Գետափնյա փող. 66
Անտառի սրտում տեղակայված «Դիլիջան» առողջարանային համալիրն իր բարձրորակ ծառայություններն է առաջարկում բոլոր հյուրերին: Առողջարանի գտնվելու վայրի, հաճելի ներքին մթնոլորտի, բարձրորակ սպասարկման, ինչպես նաև մի շարք բարենպաստ պայմանների համադրությունը հնարավորություն է ընձեռում բոլորին վայելելու համալիրի առավելությունները: Այստեղ Ձեզ հաճելիորեն կզարմացնեն բարձրորակ ծառայությունները` 24-ժամյա սպասարկում, լավ կահավորված մարզասրահ, շոգեբաղնիք, լողավազան, կոնֆերանս դահլիճ, բիլիարդի սրահ և, իհարկե, նրբագեղ կահավորված հարմարավետ համարներ և նրբաոճ սպասարահ: «Դիլիջան» առողջարանային համալիրն ունի երկար տարիների պատմություն: Նախկինում շենքը գործել է որպես սպա և վերականգնողական կենտրոն: Վերանորոգումից հետո այն պատրաստ է ներկայանալ նոր` հանգստի և ծառայությունների համալիր տեսքով, որը կբավարարի բոլոր հյուրերի պահանջները: Այժմ, այս աչքի ընկնող յոթ հարկանի հյուրանոցն առաջարկում է անմոռանալի ժամանց Հայաստանի կանաչ դրախտում, որտեղ Դուք կարող եք անցկացնել Ձեր հանգիստը կամ բիզնես-գործուղումը ողջ տարվա ընթացքում: Բարեհամբույր և պրոֆեսիոնալ աշխատակազմը միշտ պատրաստ է իրականացնել բարձրակարգ սպասարկում` յուրաքանչյուր հաճախորդին ցուցաբերելով անհատական մոտեցում: Ապահովված լինելով բոլոր անհրաժեշտ պայմաններով, հյուրանոցը ամենահաճելի և հարմարավետ վայրն է հանգիստը անցկացնելու համար:

Թուֆենկյան Հին Դիլիջան Համալիր
Տավուշ Դիլիջան Շարամբեյան 1
«Թուֆենկյան Հին Դիլիջան» համալիրը Ձեզ կընձեռի հիանալի հնարավորություն վայելելու Դիլիջանի ճոխ բնությունը, իսկ «Հին Դիլիջանի Հայկանուշ» ռեստորանի բարձր կամարապատ սրահը, ձեռքով պատրաստված անպաճույճ ջահերով և բարդ հորինվածքով ձեռագործ գորգերով զարդարված, կստեղծեն դիլիջանյան ոճի ճաշասենյակի հատուկ միջավայր: Այցելուները, քայլելով Հին Դիլիջանի փողոցներով, կզգան անցյալ դարաշրջանների մշակույթն ու շունչը: Մասնագիտացված արհեստանոցներում և ստուդիոներում վաճառվում են զարդեր, հագուստ, գորգեր, սպասք և փայտե փորագրությամբ գործեր և արվեստի ու արհեստի այլ նմուշներ, որոնք կյանք են ստացել Թուֆենկյանի` պատմական թաղամասին նոր շունչ տալուց հետո:

Լաստիվեր ռեզորթ
Տավուշ Իջևան 2-րդ փողոց 7-րդ տուն
Իջևանի Լաստիվեր ռեզորթում յուրաքանչյուր ակնթարթ դառնում է անմոռաց։ Մինչև 42° ջերմությամբ բացօթյա տաքացվող լողավազն ու այստեղից բացվող գեղեցիկ տեսարանը սպասում է ձեզ։ Եկեք լիցքաթափվելու և անկրկնելի տպավորություններ ստանալու։ Սիրելիների հետ, գեղեցիկ և դրական էմոցիաներով հարուստ, հանգիստ ունենալու համար այն իդեալական վայր է։

Կանաչ Տուն
Տավուշ Ենոքավան գ․Ենոքավան 1-ին փողոց 31
Գեղեցիկ տեսարան, անկրկնելի բնություն և ընտանեկան միջավայր Ենոքավանի «Կանաչ տուն» հանգստյան գոտում, որտեղ կարող եք խաղաղվել և գտնել Ձեր ներդաշնակությունը։ Կանաչ տունը գտնվում է «Yell Extreme Park»-ի հարևանությամբ՝ Լաստիվեր տանող ճանապարհին հարակից։ Եկե՛ք «Կանաչ տուն», որտեղ կընդունեն Ձեզ հյուրի պես և կճանապարհենք բարեկամի պես։

Հաղարծին Հյուրանոց
Տավուշ Դիլիջան Կամոյի փող. 121
«Հաղարծին» հյուրանոցառեստորանային համալիրը գտնվում է դրախտային հանգստավայր Դիլիջանում: Հյուրանոցն իր հյուրերին առաջարկում է անցկացնել լիարժեք հանգիստ գեղատեսիլ բնության գրկում: Այստեղ կան հարմարավետ և գեղեցիկ կահավորված 31 համարներ՝ երկու, երեք, չորս անձի համար և տասը քոթեջ` չորս և վեց անձի համար նախատեսված: Հյուրերը կարող են իրենց ազատ ժամանակը վայելել` օգտվելով ժամանցի համար նախատեսված վայրերից՝ թենիս, լողավազան, մարզասրահ, շախմատի և նարդու սրահ, բիլիարդի սրահ, մանկական խաղասենյակ և խաղահրապարակ: Գործնական հանդիպումները կարելի է կազմակերպել համաժողովների սրահում: Հյուրանոցն առաջարկում է հայկական, վրացական և եվրոպական խոհանոցի ճաշատեսակների լայն ընտրանի: Տարածքում գործում է անվճար Wi-Fi և ավտոկայանատեղի: Ինչպես նաև առկա են բացօթյա տաղավարներ, որտեղ կարելի է անցկացնել երեկոն` վայելելով Դիլիջանի մաքուր օդն ու բնությունը: