Ֆիլտրել
Ռեստ Հաուս Դիլիջան
Տավուշի մարզ Դիլիջան Մոլդովական 7/6
Ռեստ Հաուս Դիլիջանը գտնվում է Մոլդովական 7/6 հասցեում՝ Դիլիջանի սրտում, և իր հյուրընկալ դռներն է բացում բոլոր նրանց առջև, ովքեր հօգնել են քաղաքի աղմուկից և ցանկանում են կտրվել առօրյա հոգսերից: Շտապեք ամրագրել Ձեր հանգիստը Ռեստ Հաուս Դիլիջանում: Հանգիստը 2-3 օր կազմակերպելու դեպքում արժեքը կկազմի 44000դրամ, 3 և ավել օրերի դեպքում 38500 դրամ
Ռետրո հանգստի գոտի
Լոռու մարզ Գուգարք
Լոռին առօրյա խնդիրներից խուսափելու և բնությանը մոտ գտնվելու համար հիանալի վայր է, այն դրախտ է Հայաստանի քարտեզի վրա, և ի վերջո ի՞նչը կարող է ավելի օգտակար լինել, քան «Ռետրո» հյուրատան մաքուր օդը` համեմված աննկարագրելի գեղեցիկ բնությամբ և ջերմ արևով։ «Ռետրո» հյուրատունը Ձեզ կընձեռի հիանալի հնարավորություն վայելելու Լոռվա ճոխ բնությունը: Հյուրատունը ունի մինչև վեց հոգու համար նախատեսված սենյակներ, բոլոր համարները կահույքից մինչև պատշգամբի բազրիքները կահավորված են գեղեցիկ ու նրբագեղ retro փայտե կահույքով և լցված են ջերմությամբ ու հարմարավետությամբ: 19-րդ դարի ոճին բնորոշ զգեստապահարաններով, ձեռագործ կարպետներով կահավորված սենյակները յուրահատուկ շունչ ու հմայք են տալիս համարներին ու հաճելի դարձնում Ձեր հանգիստը:
Ռո Մետրո
Շիրակի մարզ Գյումրի Արագած 2/18
Հյուրատունը գտնվում է Շիրակի մազրի Գյումրի քաղաքում։ Հյուրատանը ստեղծված են բոլոր պայմանները հանգիստը լավ անցկացնելու համար։ Հեռավորությունը Երևանից կամզում է 125կմ, իսկ Զվարթնոց Միջազգային Օդանավակայանից հեռավորությունը 121կմ է։
Ռոսիա Հյուրանոց
Կոտայք Ծաղկաձոր Գ. Մագիստրոսի փող. 7
Հայաստանի ամենագրավիչ հանգստավայրերից մեկում` Ծաղկաձորում է գտնվում «Ռոսիա» հյուրանոցը: Հյուրանոցն առաջարկում է դասական մեկտեղանոց, երկտեղանոց համարներ և «նախագահական լյուքս» բնակարաններ, որոնք համալրված են անհրաժեշտ բոլոր հարմարություններով: Հյուրանոցում առկա է փակ լողավազան, թենիսի և բիլիարդի սրահներ, մարզասրահ, շոգեբաղնիք, ինտերնետ հասանելիություն և ավտոկայանատեղի: Առաջին հարկը կահավորված է փափուկ կահույքով և էկզոտիկ ծառերով: Հյուրանոցի 2 ապակեպատ վերելակներից բացվում է տեսարան դեպի «Նոր Ռոսիա» լաունջ բարը: Բոլոր հարկերում կան աուդիո ձայնարկիչներ, որոնք ապահովում են հաճելի երաժշտություն: Հյուրանոցի նախամուտքում գործում է բացօթյա սրճարան, որտեղ կարելի է հիանալի ժամանակ անցկացնել` վայելելով Ծաղկաձորի լեռնային թարմեցնող օդը: Հյուրանոցն առաջարկում է ավտոբուս` 30 հոգու համար նախատեսված, որն իրականացնում է շրջայց քաղաքում, ինչպես նաև ուղևորափոխադրումներ դեպի ճոպանուղի: Ձմռանը հասանելի է սպորտային պարագաների վարձակալություն: Հյուրանոցում առկա են նաև առևտրի սրահներ: Այստեղ յուրաքանչյուր հաճախորդի նկատմամբ ցուցաբերվում է անհատական մոտեցում: Բարեհամբույր աշխատակիցները ներդնում են իրենց ջանքերը` հյուրանոցում ջերմ մթնոլորտ ապահովելու համար: Հյուրանոցն իդեալական վայր է բոլոր նրանց համար, ովքեր նախընտրում են լիարժեք հանգիստը և հարմարավետությունը:
Ռուզան և Արտակ B&B (Եղեգնաձոր)
Վայոց Ձոր Եղեգնաձոր Սպանդարյան փ., տ. 5
Վայոց Ձորի մարզի Եղեգնաձոր քաղաքում է գտնվում «Ռուզան և Արտակ» հյուրատունը, որն իր հյուրընկալ դռներն է բացում բոլորի առջև: Հյուրատունն առաջարկում է 5 հարմարավետ սենյակներ, որոնք ապահովված են բոլոր անհրաժեշտ հարմարություններով և պարագաներով: Հյուրատանը կա բակ, որտեղ կարելի է խորոված պատրաստել, ավտոկայանատեղի, անվճար Wi-Fi: Ամեն առավոտ հյուրատանը մատուցվում է բազմատեսակ ուտեստներով շատ համեղ նախաճաշ: Տանտերերը հոգատար և բարեհամբույր մարդիկ են, ովքեր անհատական մոտեցում են ցուցաբերում բոլոր հյուրերի նկատմամբ կացության ողջ ընթացքում և պատրաստ են օգնել ցանկացած հարցում: Հյուրատան մոտակայքում կան մի շարք մշակութային կոթողներ և տեսարժան վայրեր:
Ռուզաննա B&B (Ստեփանավան)
Լոռի Ստեփանավան Միլիոնի փ., տ. 9 (Ս. Սարգսյան փ. տ.9)
«Ռուզաննա» հյուրատունը գտնվում է Ստեփանավան քաղաքի հենց կենտրոնում: Այն հիանալի վայր է բոլոր նրանց համար, ովքեր ցանկանում են կտրվել քաղաքի աղմուկից: Հյուրատունն առաջարկում է հարմարավետ հանգստի համար անհրաժեշտ բոլոր հարմարություններով ապահովված սենյակներ: Հյուրերի տրամադրության տակ առկա է ընդհանուր խոհանոց: Ողջ տարածքն ապահովված է անվճար Wi-Fi-ով: Տանտերերը հոգատար և բարեհամբույր մարդիկ են, ովքեր անհատական մոտեցում են ցուցաբերում բոլոր հյուրերի նկատմամբ կացության ողջ ընթացքում և պատրաստ են օգնել ցանկացած հարցում: Ամեն առավոտ հյուրերին սպասվում է հիանալի, համեղ, թարմ մթերքներից պատրաստված նախաճաշ: Ցանկության դեպքում տանտերը՝ Սոսը, իր մեքենայով կազմակերպում է էքսկուրսիաներ դեպի տեղի տեսարժան վայրեր:
Սայաթ-Նովա Դիլիջան
Տավուշ Դիլիջան Սայաթ Նովա 131
«Սայաթ-Նովա» հյուրատունը սիրով հրավիրում է բոլորին, իրենց հանգիստն անցկացնել Դիլիջանի հրաշագեղ բնության ներքո։ Հյուրատունն առաջարկում է մաքուր և շատ հարմարավետ սենյակներ՝ որոնց պատուհաններից բացվում է չքնաղ տեսարան դեպի Դիլիջանի հրաշք անտառները:
Սարի Թեյ B&B (Գյումրի)
Շիրակի մարզ Գյումրի Կ. Դեմիրճյան փ., տ. 31
«Սարի Թեյ» հյուրատունը գտնվում է կոլորիտային քաղաք Գյումրիում: Հյուրատունն առաջարկում է 5 հարմարավետ սենյակներ՝ նախատեսված 12 անձանց համար: Բոլոր սենյակներն ունեն առանձին լոգարան: Հյուրերի տրամադրության տակ կա անհրաժեշտ պարագաներով ապահովված ընդհանուր խոհանոց, հյուրասենյակ, այգի, բակ: Տարածքում կա անվճար Wi-Fi և ավտոկայանատեղի: Հյուրատանը տիրում է ջերմ և հաճելի մթնոլորտ, որի շնորհիվ յուրաքանչյուր ոք զգում է իրեն ինչպես հարազատ տանը՝ լի հոգատարությամբ և ջերմությամբ: Տանտիրուհին հիանալի խոհարար է և պատրաստում է բազմատեսակ ազգային ուտեստներ: Ամեն առավոտ հյուրատանը մատուցվում է շատ համեղ նախաճաշ: Հյուրընկալվելով «Սարի Թեյ» հյուրատանը, դուք հնարավորություն կունենաք նաև ծանոթանալ Գյումրի քաղաքի պատմությանն ու մշակութային ժառանգությանը:
Սերիկ և Ժորա B&B (Սևան)
Գեղարքունիքի մարզ Սևան Լճափնյա փ., 19 տ.
«Սերիկ և Ժորա» հյուրատունը գտնվում է Գեղարքունիքի մարզի Սևան քաղաքում: Հյուրատունը եռհարկանի կառույց է, որն առաջարկում է սենյակներ՝ ապահովված բոլոր անհրաժեշտ հարմարություններով: Որոշ սենյակներ ունեն բալկոններ, որոնցից բացվում է գեղեցիկ տեսարան: Ամեն առավոտ հյուրատանը մատուցվում է բազմատեսակ ուտեստներով նախաճաշ: Կա նաև դիետիկ ուտեստներով հատուկ ճաշացանկ: Հյուրատան այցեքարտերից է համարվում տնական հացը և պանիրը: Տարածքում կա այգի, որտեղ առկա են խորոված պատրաստելու հարմարություններ: Հյուրատունն ապահովված է Wi-Fi ինտերնետով: Ցանկության դեպքում, հյուրատնից ոտքով կարելի է հասնել Սևանա լիճ, լողալ լճում կամ ձուկ որսալ: