Նորք Ռեզիդենս

        «Նորք Ռեզիդենս» հյուրանոցը գտնվում է Նոր-Նորք շրջանում: Հյուրանոցն առաջարկում է բոլոր անհրաժեշտ հարմարություններով ապահովված հարմարավետ և ընդարձակ համարներ: Բոլոր համարներում առկա է հեռուստացույց` տեղական և արբանյակային հեռարձակմամբ, լոգասենյակ, վարսահարդարիչ, չհրկիզվող պահարան: Ողջ տարածքում գործում է անվճար Wi-Fi: Հյուրանոցում մատուցվում են բազմազան ծառայություններ: Լիարժեք հանգստի համար հյուրերին առաջարկվում է բացօթյա լողավազան, ֆիթնես ակումբ, շոգեբաղնիք, ջակուզի և մերսման ծառայություն: Հյուրանոցում գործող ռեստորան-բարում կարելի է վայելել ազգային և եվրոպական խոհանոցների ամենահամեղ ճաշատեսակները, ինչպես նաև կարելի է տոնել ընտանեկան խնջույքներ:  Տեխնիկապես հագեցված կոնֆերանս դահլիճում կարելի է կազմակերպել գործնական հանդիպումներ, ժողովներ, սեմինարներ, քննարկումներ:  Հյուրանոցից քաղաքի կենտրոն կարելի է հասնել ընդամենը 15 րոպեում: Հյուրերին առաջարկվում է նաև օրական մինչև 2 անգամ անվճար տեղափոխում քաղաքի կենտրոն: Պրոֆեսիոնալ անձնակազմը և միջազգային չափանիշներին համապատասխանող ծառայությունները ստեղծում են բոլոր անհրաժեշտ պայմանները` հանգիստն անմոռանալի դարձնելու համար: Անձնակազմը միշտ ուրախ է ընդունել և լավագույն կերպով սպասարկել իր հյուրերին: Հյուրանոցում առկա պայմանները կբավարարեն անգամ ամենաքմահաճ հաճախորդի պահանջմունքները: