Իմպերիալ Պալաս Հյուրանոց

     Մայրաքաղաք Երևանի կենտրոնում` Մատենադարանի հարևանությամբ է գտնվում կայսերական ոճով կառուցված, բարձրակարգ «Իմպերիալ Պալաս» հյուրանոցը: Այն իր հյուրընկալ դռներն է բացում թե՛ գործնական և թե՛ հանգստի նպատակով Երևան այցելած հյուրերի առջև: Հյուրանոցն առաջարկում է բոլոր անհրաժեշտ հարմարություններով ապահովված, տարբեր կարգի 78 հարմարավետ և նորաձև համարներ: Բոլոր համարները համալրված են հեռուստացույցով, մինի բարով, լոգախցիկով, օդափոխման համակարգով, չհրկիզվող պահարանով: Որոշ համարներից բացվում է հիանալի տեսարան դեպի Արարատ լեռը: Տարածքում կա Wi-Fi և ավտոկայանատեղի: Անձնակազմի պրոֆեսիոնալ մոտեցումը և հաճելի ընտանեկան միջավայրը ստեղծում են այնպիսի միջավայր, որ հյուրերը զգում են իրենց ինչպես տանը: Հյուրանոցի հարմար դիրքը հնարավորություն է տալիս հաշված րոպեների ընթացքում հասնել Երևան քաղաքի տեսարժան վայրեր, թանգարաններ, կինոթատրոններ, սրճարաններ, առևտրի կենտրոններ և այլ հետաքրքիր վայրեր: «Իմպերիալ Պալաս» հյուրանոցին պետության կողմից շնորհվել է 4 աստղանի հյուրանոցի կարգ: