Անի Ռեզորթ

   «Անի Ռեզորթ» հյուրանոցային համալիրը գտնվում է Կոտայքի մարզում՝ Հանքավանի գեղատեսիլ անտառների գրկում:  Հյուրանոցն առաջարկում է բոլոր անհրաժեշտ հարմարություններով ապահովված բարձրակարգ համարներ և քոթեջներ:  Բոլոր համարների պատուհաններից բացվում է հիասքանչ տեսարան: Հանգիստն ավելի հետաքրքիր և ամբողջական դարձնելու համար հյուրանոցում մատուցվում են բազմաթիվ ծառայություններ: Այստեղ գործում է բար, բիլիարդ, սեղանի թենիս, մարզասրահ, փակ լողավազան, շոգեբաղնիք: Տարածքում գործում է անվճար Wi-Fi և ավտոկայանատեղի: Շրջապատված լինելով հրաշագեղ բնությամբ և բուժիչ հանքային աղբյուրներով` հյուրանոցն իր հյուրերին տրամադրում է կատարյալ պայմաններ` լիարժեք հանգստի համար: Լեռնային մաքուր օդը, շրջակա կանաչապատ սարերը, սոճիների պուրակը, հարմարավետ համարները և հյուրանոցում առաջարկվող պայմանները նպաստում են կատարյալ լիցքաթափմանն ու հանգստին: Հյուրանոցն իդեալական վայր է բոլոր նրանց համար, ովքեր ցանկանում են հանգստանալ և միևնույն ժամանակ ամրապնդել իրենց առողջությունը: Հյուրանոցի մոտ հոսում է տաք հանքային ջուր, որը օգտագործվում է խմելու և բուժական լոգանքների համար: Հանքավանում բուժում են ստամոքսի, աղիքների, լյարդի, լեղապարկի և բազմաթիվ այլ հիվանդություններ: Մատուցվող բարձրակարգ ծառայությունների և աշխատակազմի բարեհամբույր սպասարկման շնորհիվ, հանգիստը հյուրանոցում դառնում է հարմարավետ, լիարժեք և անմոռանալի: Երևանից հեռավորությունը 55 կմ է: