Չինչին

     Չինչին հանգստյան տունը գտնվում է Հայաստանի հյուսիս-արևելյան հատվածում` Տավուշի մարզի Բերդ խոշորացված համայնքի Չինչին գյուղի կենտրոնական հատվածում։ Շրջկենտրոնից գտնվում է 8 կմ հեռավորության վրա։ Գյուղը շրջապատված է անտառապատ սարերով, գեղատեսիլ պատմամշակութային վայրերով, սառնորակ աղբյուրներով, բնության բարիքներով լի դաշտերով ու անտառներով։ 
Հանգստյան տունը բացվել է 2021թ. հուլիս ամսին։ Տան մակերեսը կազմում է 40 քառակուսի մետր, նախատեսված է 1-5 անձի գիշերակացի համար։ Ապահովված է 4 մենքենայի համար բացօթյա ավտոկանգառով, հյուրասենյակ-խոհանոցով, մեկ ննջարանով, լոգարան-սանհանգույցով, բաց պատշգամբով, մշտական տաք և սառը ջրով, ինտերնետ կապով, օդի ջերմաստիճանի կարգավորիչով։ Առկա է սառնարան, գազօջախ, մանղալ, թեյնիկ, սրճեփ, սպասք։ Պատշգամբից բացվում է գեղեցիկ տեսարան դեպի այգին։ Մոտակայքում գտնվում են մթերային խանութներ և մանկական խաղասենյակ-ընթերցասրահ։ Կարող է տրամադրվել նաև մինչև 10 անձի համար նախատեսված կոնֆերենս սենյակ։ Ակտիվ հանգստի սիրահարները կարող են զբաղվել ձիավարությամբ։